Archive for BDS-Galiza

A declaración do Parlamento de Galiza irrita ao señor embaixador de Israel

Alon Bar, embaixador de Israel no Reino de España (Foto ABC)

Trala declaración institucional do Parlamento de Galiza, na que se solicitaba á comunidade internacional que esixise a Israel o cumprimento das resolucións das Nacións Unidas, o respecto absoluto dos dereitos humanos de palestinas e palestinos e o recoñecemento do dereito ao retorno das persoas e comunidades ás terras e casas de que foron expulsadas, (pódese ver aquí a declaración íntegra) , o embaixador de Israel, Alon Bar, ven de enviarlle unha carta á presidencia do Parlamento amosando a sua sorpresa por tal osadía.

Na carta, que podedes ver aquí, o señor embaixador coloca ao Parlamento de Galiza entre os peores e máis extremistas inimigos de Israel. Según se recolle na carta, Bar enviou copia, entre outras persoas, a María Dolores de Cospedal. Cousas veredes…

Nakba, acto en Compostela

O 14 de Maio, ás 19h30, no Grandola Compostela, Mar de Lumes organiza un acto público de conmemoración do 66ª Día da Nakba Palestina, cando o pobo palestino tivo que abandonar os seus fogares por causa da ocupación de Israel.

Haberá proxección de documentais, música e petiscos palestiniano, e duás palestras a cargo dos compañeiros de BDS-Galiza Mohamed Safa e Elvira Souto.

Nakba. Acto en Ponteareas

O vindeiro 15 de maio, organizado polo Festival das Brétemas de Ponteareas, terá lugar un acto conmemorativo da Nakba, no que se proxectarán os fimes Columpio e Salma Cuenta. Posteriormente compañeiras de BDS-Galiza participarán nunha charla coloquio sobre Israel, a lei Wert e o ensino galego, no que se tocará o tema do intrusismo sionista na educación.

Al-Nakba, acto en Ourense

O martes día 13, dende as 21.00 horas, terá lugar no Auriense (Pz. do Correxidor-Ourense) un acto multiartístico en lembranza da Nakba palestina.

Intervirán a poeta Rochi Nóvoa, o actor Diego Freire e o músico Ico.

Organizan AC Auriense, Anacos de Cidade e BDS-Galiza.

O Parlamento galego pide a Israel o “respecto absoluto dos dereitos humanos dos palestinos”

Fonte: europapress

O Parlamento de Galicia, tras unha solicitude de BDS-Galiza e Galiza por Palestina aos grupos parlamentarios,  reclama a comunidade internacional que “esixa” a Israel o “cumprimento das resolucións das Nacións Unidas” e o “respecto absoluto dos dereitos humanos de palestinos” e o “respecto absoluto dos dereitos colectivos” deste pobo.

Nunha declaración institucional con motivo, o próximo 15 de maio, do aniversario no comezou o éxodo do pobo palestino, insta a que Israel “recoñeza o dereito ao retorno das persoas e comunidades” ás terras e casas das que foron expulsadas”.

“Manifestamos o noso máis firme compromiso cos dereitos inalienables da persoa coa liberdade e co máis pleno respecto á dignidade humana”, sinala.

Finalmente, apunta que “o Parlamento galego non escatimará esforzos en contribuír dende Galicia a construír unha orde internacional xusta baixo o respaldo da legalidade internacional, un mundo no que a forza quede sempre sometida ao dereito”.

Sabotaxe contra Arca de Gaza. Difusión!.

Fonte: Gazaark.org

Esta madrugada, o vixiante do barco Arca de Gaza, recibeu un aviso para abandonar a zona, pois o barco ía ser atacado.

Tras sair do lugar, e vendo que nada pasaba, volveu aos poucos minutos. Non moito tempo despois houbo unha explosión no barco que causou cuantiosos danos e o afundimento da popa. O vixiante non sufriu feridas pero foi trasladado a un hospital para realizarlle probas.

Mahfouz Kabariti, activista do proxecto Arca de Gaza, indicou que se está investigando a procedencia da explosión, e que se informará cando haxa datos fiables. Engadiu que ningún acto terorista vai frear os esforzos por romper o bloqueo de Gaza.

A Flotilla da Liberdade xa foi saboteada no seu momento. Poden afundir barcos pero non poderán afundir o movemento pola liberdade de Gaza.

 

Manifesto de Arca de Gaza para as Nacións Unidas. Asinade!.

Fonte: Iniciativa Arca de Gaza

Pola finalización do bloqueo de Gaza e pola liberdade de movemento da poboación palestina.

Para poder construír un futuro en paz, a poboación palestina debe dispor de total liberdade de movemento, debe poder viaxar e comerciar libremente desde e cara ao porto de Gaza e por toda Palestina. Só poderá conseguirse unha paz duradeira mediante un levantamento completo, permanente e incondicional do bloqueo imposto sobre Gaza e mediante a restauración dos dereitos da poboación palestina de acordo coa lexislación internacional.

Facemos un chamamento ao Secretario Xeral das Nacións Unidas e aos nosos propios gobernos para:

  •  Facer todo o que estea no seu poder ao obxecto de conseguir que Israel levante todas as restricións sobre a liberdade de movemento e de comercio impostas sobre a poboación palestina, incluíndo a autorización para que a Arca de Gaza, de propiedade internacional, poida facerse á mar libremente desde Gaza sen ningún tipo de obstáculos; Read more